Musèu del contrabandier
Musèu del contrabandier
Comuna e Valada:
ARGENTERA - Val Stura
Adreiça: Borgata Ferrere, Argentera
- Rejonh lo luòc
Lo contraband era una activitat illigala praticaa da lhi abitants de l’auta valada per integrar la paura economia, sustot l’uvern. Lhi joves anavon en França sus de viòls pericolós per vendre e eschambiar causas da minjar, sal, tabac, pelissas, chauças, sempre sot la menaça di contròls d’la gardia frontaliera. La “Mizoun dal Countrabandìer” es un percors museal que conta aquesta pratica antica e frequenta: en la vielha maison son recreats una cusina, una chambreta e lo “solìer”, un sotpalc d’bòsc.
Ferieras se tròba a 1900 m d’autessa: un viatge sempre popolaa, encuei lhi a de gent mec l’istaa. La ruaa presenta una tipologia de maison “a eschalin”. Lhi cubèrts un viatge eron en escandolas d’bòsc, encuei d’lamièra d’tòla. Lo toponim seria liat a la presença d’minerals ferrós; o benlèu dal latin “ferus“, sarvatge, pòst da mal. Al centre d’la ruaa se tròba la Parroquia d’Sant Jaco, realizaa entre 1906 e 1909, e dapè al cementièri lo cloquier en peira del 1827.