Centre Cultural Casa d’Mosè
Centre Cultural Casa d’Mosè
Comuna e Valada:
MARMORA - Val Maira
Adreiça: Borgata Reinero 16, Marmora
Corrièr electronic: info@comune.marmora.cn.it
- Rejonh lo luòc
La maison‑vilatge es una tipologia d’arquitectura que tròba doas testimonians importantas en Val Maira, al Reinier d’la Marmo e a l’Ubac de Chanuelhas. Es un grand grop de construcions reunias, abo maisons, espacis publics, fenieras e vòutas sot un cubèrt solet rezut da colònas, abo de quintanas e chamins al cubèrt, per permettre de comunicar e se botjar decò quora charamalhava fòrt. Encuèi la maison‑vilatge del Reinier, dicha Casa de Mosè, e que remonta al sègle XV, es devengua un centre cultural que compren de salas per mostras e conferéncias, exposicions e presentacions; a decò una foncion recreativa e d’agregacion per la populacion locala. Una lònja eschala en pèira pòrta sot tèrra, ente se tròba un antic potz.
Lhi abitants d’aquesta ruaa eron chamats aquelhi dal Crest. La paròla indicava la posicion d’la ruaa, en aut e a l’adrech: se disia que lo solelh doneisse a la testa, e que qui vivia aquì foguesse un pauc fòravia.