Centre Visitas Rocceré
Centre Visitas Rocceré
Comuna e Valada:
ROCCABRUNA - Val Maira
Adreiça: Frazione Sant’Anna 135, Roccabruna
Corrièr electronic: associazione@roccere.it
Sit Web: roccere.it
- Rejonh lo luòc
A l’emboch d’la Val Maira, s’l’aigavers d’manchina, la Ròcha garda un di pus importants sites d’art d’l’etat del Bronç en Europa. S’la poncha del Mont Roccerè, que s’auça sus la plana a l’entorn, son visiblas pus de 35.000 copèlas, de pertuis emisferics fongats en la ròcha. Drant d’l’exploracion d’la montanha, s’conselha una visita al centre visitas Rocceré, plaçat dins un ex-refutge en lo bòsc de pins d’Sant’Ana d’la Ròcha ent’una atmosfera encharmanta, ente son descrichs l’istòria e tuchi lhi estudis sus l’Area Arqueològica.
Las copèlas descubèrtas ental 1991 son de pertuis entre 2 e 20 cm, baronats a grops de mai de 100 sus de gròssas lausas, esquasi a formar de figuras geometricas e, mincatant decò antropomòrfas. Al principi son estaas consideradas coma òbras realizaas dai primièrs umans arribats aquí mai de 4000 ans fai; mas ental 2024 una nòva perícia geològica e arqueològica las a jutjaas coma fenomèns tots naturals, que remonton a la fin del Darrier Maxim Glaciari, e que puèi polerion èsser estaas adobraas per de rites religiós.