Fòrt Albertin d’Vinai
Fòrt Albertin d’Vinai
Comuna e Valada:
VINADIO - Val Stura
Adreiça: Piazza Vittorio, Vinadio
Sit Web: https://www.fortedivinadio.com/
- Rejonh lo luòc
Lo Fòrt d’Vinai es un de lhi exemples d’arquitectura militara pus importants de tot l’arc alpin, un ver tresòr d’l’ingenheria e d’la tecnica militara, vorgut dal Rei Carl Albert ental Uèch Cents. Da centre militar a centre cultural, encuei ental Fòrt es alestit “Montagna in Movimento”; un percors museal qu’a travers sòns, votz, fotografias e installacions multimedialas presenta lo monde des Alps Meridionalas, caracterizaas per tota l’istòria da un vai e ven continuat, ponch d’partença e arriu d’pòpols, ideas, arts, mestiers, merchandisas, inovacions.
Lo Fòrt de Vinai es estat fach realizar dal Rei Carl Albert per defendre la valada dai Francés. Començat ental 1833, es estat finit ental 1847, sacrifiant un terç del país. Ental 1884 ven ajontaa la granda caserma dapè l’estatala que passa sot las estructuras del Fòrt. Dins lo mesme temp venon bastias, sus las montanhas dapè, autras nombrosas fortificacions: lo Fòrt Neguin s’la gaucha d’la valada, lhi Fòrts Piroat, Cereziera e Sorças a drecha e lhi Fòrts de Testa Rimaa e Poncha Charnier sus l’aigavers del Valon de Rio Freid.